|
KHS “SUBBIES” DIE BESTE
By die trompoppie kompetisie wat gehou is op 18 April by
Hoërskool Wesvalia het KHS se subleidster Shadrean Brown in die
small drill afdeling gewen. KHS se vlaggroep behaal 'n algehele
2de plek.
Foto bo:
Agter v.l.n.r.: Amy Wetdewich, Thiona Botha, Veronique Strydom,
Careen J van Vuuren (afrigter)
Voor v.l.n.r.: Nkagi Mochwanaesi, Deandré Hough
Laerskool La Hoff Netbalspeelster gekies vir KOSH-Netbalspan
Monique O'Callaghan, 0/13 netbalspeler van Laerskool La Hoff
moes wys wat in haar steek tydens die netbalproewe. Sy het die
keurders met haar goeie spel oortuig en is vir die KOSH-span
gekies.
Wesvalia-atleet kwalifiseer vir Jeugspele
Petrus Coetzee een van Hoërskool Wesvalia se atlete het by die
afgelope ASA se SA byeenkoms in Pretoria, 27 / 28 Maart, 'n
bronsmedalje gekry in die 400 m - jeugafdeling.
Met sy tyd (48,6 sek) het hy ook gekwalifiseer vir die Jeugspele
in Italië wat later gehou gaan word.
KHS Skaak uitblinkers
Twee KHS'ers het uitgeblink in die finaal van die Nu-Power Super
Sestien skaakreeks. Philip Oosthuizen en Johanni Styger wen
albei meer as 7 uit 9 spelle by die kompetisie wat van 22 tot 24
April by Hoërskool Dr. E.G. Jansen in Boksburg plaasgevind het.
Hulle ontvang ook albei medaljes vir hul prestasie.
Wessies vs Gobabis
Hoërskool Wesvalia se tweede netbalspan het na hul onlangse
oorwinning as Super 12 wenners geen bang haar op hul koppe nie.
Hulle het op Woensdag 29 April die Gobabis netbalspan van
Namibië wat hier in Suid-Afrika op toer was aangedurf. Die span
het ook teen ander skole in die dorp soos onder andere HTS,
Schoonspruit en Klerksdorp Hoërskool gespeel. Die Wessies was
glo die enigste span wat die Namibiërs kon wen en dit met 'n
puntetelling van 21-19.
KHS'ER TUSSEN HARDEBAARDE
KHS se krieketspeler Jacques Matthee speel tans vir die Senior
Noordwes Amateurkrieketspan. Jacques, wat vir KHS se Eerste Span
speel, kwyt hom goed van sy taak tussen die hardebaarde.
Wessies presteer
by Super 8 finaal
Hoërskool Wesvalia se hokkie-, netbal-, en rugbyspanne het
Saterdag 25 April aan die Super 8 finaal by Hoërskool Brandwag
in Benoni gaan deelneem.
Wesvalia se rugbyspanne eindig algeheel derde. Die o/14-span
speel gelykop teen Dinamika met 'n puntetelling van 10 elk en
tree as gesamentlike wenners uit die stryd. Pieter Jansen van
Rensburg is die speler van hierdie wedstryd gewees. Die o/15's
verloor ongelukkig teen Hoogenhout met 'n puntetelling van 3-8
en tree as naaswenner van die Super 8 uit. Die speler van die
wedstryd is Donnovan de Klerk. Die o/16's verloor 3-26 teen
Hoogenhout en behaal 'n sesde plek met Wouter Ras as speler van
die wedstryd. Die tweedespan wen 46-3 teen Dinamika en behaal 'n
vyfde plek met Clinton Geels as speler van die wedstryd. Die
eerste span verloor net net met 'n puntetelling van 10-14 teen
Brandwag en behaal 'n vierde plek met Gideon Visser as speler
van die wedstryd.
Die Wessie-netbalspanne eindig ook algeheel derde. Die o/14 A's
wen 14-9 teen Grenswag met Giana Wilken as speler van die
wedstryd en eindig in die vyfde plek. Die o/15 A's verloor
ongelukkig teen Dinamika met 'n puntetelling van 7-22, maar
hulle tree steeds as naaswenners uit die Super 8 stryd. Megan
Marais is aangewys as die speler van hierdie wedstryd. Die o/16
A's wen teen Brandwag met 'n puntetelling van 18-17 en eindig
vyfde in die kompetisie. Janeé Coetzer is die speler van hierdie
wedstryd. Die tweedespan wen teen Hoogenhout met 'n puntetelling
van 15-13 en tree as algehele wenners uit die stryd. Die hele
span word hier aangewys as die spelers van die wedstryd. Die
eerste span verloor ongelukkig met 'n puntetelling van 10-13 met
Suhanri Loubser as speler van die wedstryd.
Die hokkie-spanne het net so goed gevaar. Die o/14's verloor
ongelukkig 2-1 teen Brandwag met 'n “penalty shootout” en eindig
vierde in die reeks. Die o/15's verloor ook teen Generaal
Hertzog met 'n “penalty shootout” 3-2, maar eindig steeds as
naaswenners in die reeks. Die o/16's wen 1-0 teen Dinamika. Die
tweedespan wen ook 3-1 teen Brandwag en eindig derde in die
stryd en die eerstespan wen ook met 'n puntetelling van 1-0 teen
Dinamika en tree ook derde uit die stryd.
Die Wessies het puik gevaar en haal 'n algehele derde plek in
die Super 8 reeks.
'n “Shark” in die
Wessie-tenk!
Monty Dumond, die losskakel en Heelagter van die Sharks het op
Maandag 20 April 'n draai by die Wessies kom maak om hulle die
fyner kunsies van skoptegnieke te leer.
Die Wessies het baie geleer en is baie dankbaar vir Monty Dumond
se insette.
Gekies vir Presidentspan
Etienne Botha van Laerskool Meiringspark het gedurende die
Aprilskoolvakansie deelgeneem aan die vereenigingtoer van die
S.A.
Binnenshuise Krieket. Hy is gekies vir die Presidentspan wat ook
die "Diamond Squad" genoem word.
KHS hokkietoere 'n
groot sukses
Gedurende die April vakansie het al KHS se hokkiespanne
hokkieklinieke by die Noordwes Universiteit in Potchefstroom
bygewoon ten einde hul voor te berei vir die komende hokkieliga
sowel as die NuPower reeks.
Soggens is die meisies afgerig en in die middae is wedstryde
gespeel. Al die spanne het voorwaar uitstekend gevaar. KHS wil
ook aan hul ouers en borge bedank want sonder hulle
ondersteuning sou die bywoning van die klinieke nie moontlik
gewees het nie.
Wessies sê hul sê goed
Twee van Hoërskool Wesvalia se leerders, Igna Botha en Jehlé
Pretorius het onderskeidelik eerste en tweede geëindig tydens 'n
Public Speaking kompetisie wat plaasgevind het op 29 April by
Klerksdorp Hoërskool.
|
